De leante kömp
'n Daamp den hänk oawer de bèkke,
Knöppe wringt zik oet de täkke,
't Weaidegrös begint te greujen,
'n Vuurjoarsbleumke zee'j al wier bleujen.
Kiek iej efkes duur de roeten,
Zee'j de eerste lämkes boeten.
'n Geeteling is drok an 't bouwen,
Röstig en vol zelfvertrouwen.
't Meesken zog ook onderdak,
Vlög van 'n enen noar aandern tak
En de leu dee zint in 't laand,
Met de schuppe greawt ze in 't zaand.
O wat geet 't er toch wier van,
Joa deleante kömp der an.
Oet "Dagdromen"
Duur Jannes Slot
Bron: Twentse Taalbank
Afbeeldingen van Johanna Elderink-Blijdenstein (1797-1820)
Bloeiende Hortensia datering 1815, Bloeiende Rozentak datering 1813
Collectie Vereniging Oudheidkamer Twente
